- 127 -

1342. Aug. 29. Liegnitz.

Die Herzoge Wenzel und Ludwig bestätigen der Stadt Liegnitz ihre Privilegien.

In nomine domini amen. Nos Wenceslaus et Ludewicus dei gracia duces Slezie, domini Legniczenses ad vniuersorum, tam presencium quam futurorum, ad quos presencia deueniunt, nocionem volumus perpetuo deuenire, quod de mera nostre liberalitatis munificencia ad profectum et augmentacionem ciuitatis nostre Legnicz et ad bonam ipsiusdem antiquitatem ciuibus nostris ibidem omnibus et singulis siue extra ciuitatem vel intra ad gremium ipsius ciuitatis pertinentibus, omnia jura, gracias, libertates, siue sint perpetua siue temporalia, ipsis generaliter et specialiter a nostris progenitoribus et a patre nostro karissimo duce Bolezlao et a nobis data et concessa, omnia et singula rata et grata habentes presentis scripti patrociniis confirmamus, promittentes sinceriter sine dolo, predictos nostros ciues, omnes et singulos, pauperes et diuites, ipsamque ciuitatem nostram circa omnia jura, vt dictum est, gracias et libertates, que litteris, priuilegijs et alijs demonstracionibus probabilibus demonstrare poterunt, inuiolabiter dimittere eosque circa ea totis viribus fideliter conseruare; in cuius rei testimonium et robur perpetue valiturum presentem litteram nostrorum sigillorum appensione fecimus communiri. Datum et actum Legnicz feria quinta in die decollacionis beati Johannis baptiste, anno domini millesimo tricentesimo quadragesimo secundo, presentibus fidelibus nostris Hermanno de Kitlicz, Jeschone Busewoy, Alberto et Gawino de Abscacz, militibus, Peczoldo de Calys, Kitano de Landescron et Tammone de Calkruthe nostro notario, qui presentes habuit in commisso.

O. d. St. L. No. 55. Reste beider Siegel an Schnüren von rother Seide. — Altes Privilegb. p. 24. — Bitschen, Privilegb. f. CXCIV.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866